مهيد كاريكا للإبداع
مرحبا بك زائرنا الكريم في منتدانا ، وندعوك للإنضمام إلينا بالتسجيل في المنتدى و بذلك تصبح عضو بيننا و منتمي إلى أسرة أحلى منتدى ، وأرجو أن يعجبك المنتدى
و بإذن الله نقدم لك ما بوسعنا ، فمعا نساهم في إرتقاء وتطوير هذا المنتدى .

مهيد كاريكا للإبداع

منتدى ( إسلامي - علمي - ثقافي - إجتماعي - ترفيهي ) يهتم بكل ماهو مفيد ، بشرط أن لا يخرج عن النص والإلتزام بالقوانين والقواعد العامة للمنتدى
 
الرئيسيةاليوميةمكتبة الصورس .و .جبحـثقائمة الاعضاءالمجموعاتالتسجيلدخول

إرسال موضوع جديد   إرسال مساهمة في موضوعشاطر | 
 

 أجمل القصائد التي تغنى بها عقد الجلاد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin


عدد المساهمات : 412
تاريخ التسجيل : 13/02/2012
العمر : 29
الموقع : حاليا : مدينة بورتسودان (ثغر السودان الباسم)

مُساهمةموضوع: أجمل القصائد التي تغنى بها عقد الجلاد   الأربعاء فبراير 22, 2012 9:57 am



أجمل القصائد التي تغنى بها عقد الجلاد :
=======================

حاجة آمنة أصبرى : كلمات : عبدالوهاب هلاوى :-
-------------------------------------------------------------

عارف الوجع فى الجوف شديد

عارفك كمان ما بتقدرى

اصبرى .. اصبرى

جاهلك شكى وجاهلك بكى

وفى بيتك المرق اتكى

والشيء البحير ومابحير

مابيه يا حاجة الزكاة ...

طلع الصباح لو ليك مراد

يا حاجة ما تطلع شمس

والليلة عندك زى أمس

لسه الرويدى مع الصباح

من مدة ماجاب ليك خبر

كان جوفو زى جوف العيال

من مدة داير ليه حجر

والله على الزمن الحجر

المابى بالصبر اتكرى

سرحتى فى هموم العيال

كيفن يعملوا مع الدروس

وسرحتى فى حق الفطور

باقى الامور البى القروش

واحد زمن داير ردا

واحد خلاص قلموا اتكسر

زى التقول أكلوا الصبر

يا حاجة آمنة اصبرى

مشيتى لى برج الحمام

برجك صفحتين ما بزيد

ومشيتى لى برج الحمام

كان تلقى ليك جوزاً جديد

يمكن بعد طلع الصباح

يغشاكى زولاً يشترى

هبشتى جاى فتشتى جاى

كان تلقى سكر بس محال

باقى الرطيل الفى الكرت

يا حاجة سفوهوا العيال

يا حليل زمان وسنين زمان

يا حاجة لو تذكرى ... يمه

وسمعتى صوت جاك من بعيد

وبعد قليل بابك ضرب

وسمعتى صوت جاك من بعيد

شالك تعب ... ختاك تعب

يا حاجة ناس المويه جوك

أصلو الشهر روح جرى

يا حاجة آمنة اصبرى

بعد صراع وصراع طويل

يا حاجة بينك والمحال

ما لقيتى فى داك النهار

شيتاً ويجو ياكلوا العيال

حبة عدس ما بسوى شيئ

وينو البصل وينو اللحم

حبة عجين ما بسوى شيئ

وينو الدقيق وينو الفحم

من جاى لجاى

هبشتى جاى فتشتى جاى

كان تلقى شيئ

لازمك كتير شان تقدرى

لازمك كتير اتقدرى .

----------------------------------------------------------------------------------------------



امونة :
====
كلمات / محمد طه القدال
-----------------------------
الحان / عثمان النو
-----------------------

ماضهبت اقول لقيتك

انتي فى كل الخواتم والمياتم

والنجيمات والعواتم والمغنين المطاليق

ما حزنت اقول بكيتك

نحن فى حزن المخاليق

الفرح جاييك وعد

غنوة اولاد التحاريك

كنتى فى ليل الخوابى

تهاتى بينات الطوابى

تحاكى جقليب السعى

الوليدات خلو حجرك ريح يفوفى

وعين مزرزرة من شقى الفرح المرابى

منية الوعد الداعى

انت في خوفك تكاتل رفة الطير والحفيف

انت فى شوفك تخاتل عينة الجلب الخريف

انت فى اللالوبة مصلبة البنيات النسيمات الهفيف

انت فى اللالوبة مشنقة الوليدات ناس نجومى

محبس النفس الرهيف

بطنك كرشت غى البنات نافى

دقنك حمست جلدك خرش مافى

وكت الوهم وافيت ..وكت العلم جافي

صدق الوعد نافيت .. مر الصدق وافى

يا ديارى الوين ....نى

تور عفينة الشينة ..... نى

ما اضينة وزينة.....ني

تور عفينة الشينة....ني

سنتاً والعيش بالقبضة

قلبك شابايل النبضة

جوني العشاء ملقوني

جهدية ماكلة أكتوفي

يا امونة شن بتشوفى

يا عيونى شن بتشوفى

شدرا تال اليمامة

ولا الصقر الحمامة

ولا البطن التفوفى

يا امونة شن بتشوفى

يا عيونى شن بتشوفى

جهدية وسيف وراية

تبروقة وخيل وشاية

اذان بالجوع اذن لى

ام خوفك فايت خوفى

يا امونة شن بتشوفى

يا عيونى شن بتشوفى

جهدية الاورطية

جهدية الحلبونا

شدو جمالم جونا

جلبنا ليهم سمسم .......... السمسم ما كفاهم

جلبنالهم سعية

-----------------------------------------------------------------------------------------
أولاد المــدارس :
==========
الشاعر / فيصل محمد صالح
-----------------------------------
الحان / عثمان النو
-----------------------
يــلا يـا اولاد المــدارس

فـي ربى السودان وسهله

يلا شخبطو في الكراريس

اكتبوا الواجب وحلوا

دينق زايد محمد احمد

فاس وطورية وزراعة

فاطمة زايد ميري ببقوا

غنوه نيلية بشراعه

وردتين على يامبيو

ووردة تالتة على رفاعة

يي بلدنا وكلنا اخوان

سوداني بلدنا يي

حرب زايد بندقية

يختفوا اللقمة الهنية

من أصابع طفل جائع

أمو حزنانة وشقية

حرب بتضيع ولادنا

يلا يا اولاد المدارس

هاتو من القلب غنية

للخضار والازدهار

للسلام والتنمية

للعصافير المهاجرة

تبني عشها مرة تانية


------------------------------------------------------------------------------------------------


كل الخير :
======

لانك عندى كل الخير

وجيهك فرحة الدنيا

ودواخلك زى شعاع النور

عرفتك وكنت زى شفتك

قبل القاك

وزى انك بتنبعي من فرح جواى

تمسحي عن رؤاى الضيم

وتضحكي للزمان الجاى

وتتفجر مسامك ضي

مع الصبح الغشانا شوى

كأني معاك كائن حي

كأنو صفاك كأنو الحل

افارقك والعمر عندك

زهيراتاً غشاها الطل

واحاسيسك بتتكمل

غنيواتك بتتبارك مع

الايام وتتجمل

افارقك والزمان اجمل عشان تشعل

ملامحي ضياك كل مانجيمه تتحول

وشان تفضل ملامحك فيّ زى ماكنتي في الاول

--------------------------------------------------------------------------------

صوت الإستحاله :-
===========

كلمات: جمال عبدالرحيم
------------------------------
ألحان: حمزة سليمان
---------------------------

المناظر هي زاتا

الصور نفس المشاهد

الشوارع والبيوت

الأماكن والمقاعد

والزمان ثابت مكانو

والرقم اللسة واحد

وحشة الليل البهيم

ولمة الناس الحزانى

غصة الشوق القديم

بدموعا وبحنانا

وقصة الولد اليتيم

ونفس صوت الاسطوانة

دنيا تتغير ودنيا

ادمنت عشق الثوابت

صوت ينادي الاستحالة

والحقيقة صوتا خافت

جرح ينزف وقلب دامي

ولسة صابر ولسة ساكت

----------------------------------------------------------------------------------------------------


عطبرة :-
=====

اشعار : جمال عبد الرحيم
-------------------------------
الحان : طارق جويلي
--------------------------

من قمت من بيتنا ومشيت

بطاقتي صورة مصغرة

شايل معاي شنطة صفيح

حزمة هموم

ولدا متين بقي للسفر والاغتراب والدردرة

كان الزمان لسة رضى

والناس ظروفها مقدرة

وانا في القطار اصغر صبي

امال تفيض متفجرة

لما القطار صفر وقف

بهرتني صورة عطبرة

دي محطة الوطن الكبير كانت تضج متحضرة

ونزلت ماشي على الرصيف

اغبش هدومي مغبرة

الهجرة من زمناً قديم زي ساقية فينا مدورة..

عائلة ابوي عبد الرحيم من حلفا جات متهجرة

اديلة او والله رن فجلي

بلد نفاي اموقا كجلي نورين موقو

كن جواب كفاي

دقيتني نفص كورين لوجي

نفس القطارات والسكك

يوم مقبلة ويوم مدبرة

كان عمري 12 سنة

شايل التقيلة مبكرة

رحال بدون زاد لا متاع

كان لي كتاب ومفكرة

لميت شتات بعض الحروف

وقرايتي تبدو مكسرة

من قمت من بيتنا ومشيت

بطاقتي صورة مصغرة

شايل معاي شنطة صفيح حزمة هموم

ولدا متين بقي للسفر والاغتراب والدردرة

--------------------------------------------------------------------------------------------------------------

المدينة :-
=====
للشاعر/ هاشم صديق
---------------------------
الحان / عثمان النو
------------------------

دي المدينة وديل ايديا

داير اكتب انا في النوافز اه في المنافز

اسمي تاريخي وحكاوي الرحلة في الزمن المعاصر

داير اقول كل الكلام

الما اتفهم لي جاري

لي صاحبي واخويا

ولا اتشرح جوه الدفاتر

داير اقول همسي الصريح

وقصه الحزن المحكر جوه فيني

في دروب الدنيا متغرب مسافر

دي المدينة وديل ايديا

اه اه يايمه لسه بخوض في بحر الزيف

رمل الصحرا غمر بستاني طال الصيف

ومازارني خريف طال يايمه

لسه بخوض في بحر الزيف

مشيت في الشوك لي ضريحك ابكي

مره اكابد ومره اعاني

مره اقيف اتنفس لحظه

واعود من تاني اخوض في الزيف

اه اه يايمه لسه بخوض في بحر الزيف

------------------------------------------------------

أغنية فارس الحوبه :
===========

ابوي يا فارس الحوبه .. دخر السنين لينا

أكان للكرم والجود ضيف الهجعه عشينه

ويا الفاتت فضايله حدود يتيم الحله ربيناه

يا الضل الضليل ممدود عنوان الكرم بيته

يا ركازة المسنود فيضك ديمه ساقينا

ظاهر جوه وسط الناس يضوي فوق جبينه صلاح

قاهر في وشي الفراس مرنا ما بيعقبوا الراح

علما بحره ما بينقاس موشح بالفضيله سلاح

سيرتك باقيه لينا الساس وخالد للابد فينا



------- هذه فقط بعض أغاني عقد الجلاد ومن يريد المزيد
ماعليه سوى البحث في محرك البحث قوقل -------------

-------------------------------------------------------------------------------------





عدل سابقا من قبل Admin في الثلاثاء أبريل 10, 2012 3:33 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://muhaiedseedebdaa3.sudanforums.net
Admin
Admin


عدد المساهمات : 412
تاريخ التسجيل : 13/02/2012
العمر : 29
الموقع : حاليا : مدينة بورتسودان (ثغر السودان الباسم)

مُساهمةموضوع: رد: أجمل القصائد التي تغنى بها عقد الجلاد   الجمعة مارس 02, 2012 5:52 am



المصدر : منتديات مختلفة - كلمات أغاني عقد الجلاد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://muhaiedseedebdaa3.sudanforums.net
 
أجمل القصائد التي تغنى بها عقد الجلاد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:تستطيع الرد على المواضيع في هذا المنتدى
مهيد كاريكا للإبداع  :: منتدى الشعر والشعراء :: قسم روائع شعراء السودان-
إرسال موضوع جديد   إرسال مساهمة في موضوعانتقل الى: