أجمل القصائد التي تغنى بها الفنان خالد الصحافة

لحظات ندية :
========

كلمات مدني النخلي
-------------------------
الحان مصطفى سيد احمد
==============

في خاطري لحظاتنا الندية وانتي ساعة المغربية

قعدتك جنبي وعيونك سارحة في الدنيا البهية

خوفنا من سفراً بودي للمسافات القصـــية

قصة الزول المفارق قلبو عشرة علي الوصية

* * *
كنتا جد ناوي الرحيل إلا شائل ذكرى منك

خفتا في الغربة البعيدة المسافات ابعدنك

والعيون الشايلة سيرتك بكرة يبكن يفقدنك

والاماسي الحالمة تحزن والمشاوير اتعبنك

* * *
شفتي كيف لما الشمس مدت نوافير الشعاع

والضفاف بعدت كتير والريح ملت جوف الشراع

وكيف هناك بدت الضفاف تتلاشى في زمن الضياع

وانتي ساعة المغربية خائفة من كلمة وداع

-----------------------------------------------------------------------

ندى الميعاد :
========

كلمات / مدني النخلي
------------------------------
الحان / مصطفى سيد أحمد
===============

لوحتي بايدك زي شوق مواعيدك

غنيتي للياسمين ما احلى تغريدك

عدى الفرح حزنان قبال نهار عيدك

خليت معاك قلبي شايلاه في ايدك

عدت سفاين الشوق وبقيت براي راحل

خليت وراي روحي هيمانة في الساحل

وهامت نسائم الليل في الوردة بتغازل

ودمع الفراق نزاف من قلبي كان نازل

سفراً بلا ميعاد قدر البريدو حزين

مكتوب تهب الريح تجرح ندى الياسمين

ويا سكة الافراح لمتين وراك تايهين

والفرقة دمعة دم تجرح عيون حلوين

مترجي ميعادك زي طلة الاعياد

وزي رنة الاجراس في لحظة الميلاد

قاتلني شوقاً ليك اصلو القليب رياد

جايك مبشر بيك حاضن ندى الميعاد

-------------------------------------------------------------

أجمل مسافر :
========

كلمات / اسحاق الحلنقي
--------------------------------

والله يا اجمل مسافر

لما جيت ترحل تسافر

دمعي سال من عيني طافر

ما عرفتا منو المسافر

انت ولا انا المسافر

** **
لم جيت رايح مروح

شفتا ايد الليل تلوح

بديت ابكي وانوح

والله وين بعدك اروح

من كتر همي العليا

افتكرتو انا المروح

تهتا ما بين الخواطر

والله يا اجمل مسافر

** **
قدر ما جاهرتا اصبر

كيف عيوني البكاية تصبر

والكسور ما راضية ما تجبر

والهموم ما راضية تستر

الوداع انا عارفو قاسي

بس ظروف الناس بتجبر

والزمن ما بجدي خاطر

والله يا اجمل مسافر

** **
عدتا اخر الليل برايا

ساهي بين نوحي وبكايا

الا بس اغرب حكاية

يا ربيع زهرة صبايا

كنتا بسمع صوت خطاك

ماشا في الشارع معايا

انت غائب وعندي حاضر

والله يا اجمل مسافر

-----------------------------------------------------------------------------
فرح القصائد :
========

كلمات / مدني النخلي
-----------------------------

لا حلم لا كان خيال

لا وعد لا جيت اطوفا

دي البنية الكستا ليها

ومنتظر طلة طيوفا

حلوة خضرت الصحاري

ورشت الغيمة الولوفة

جرتقت فرح القصائد

لونت بالود طيوفا

دي البنية الدابا تابة

الله يحفظ لي شابابا

صفوة الغيد الرشيقة ..

اتقدمت سرب الحسان ..

لما رقصت زي فراشة ..

سيج الفرح المكان ..

هبت النسمة الندية ..

الليلة زغرد يا زمان ..

دي الوحيدة الضاوية ليلنا ..

وراشة في الدنيا الحنان

يا مساء الحب وبهجة

يا صباح النور ووردة

يا حدائق عامرة خضرة

يا عيون ضاحكات مودة

من متين أنا في إنتظارك

والزمن بي عُمري عدَّى

ما غريبة الليلة ترجع

يا فرح خاصمني مُدّة

دي البنية الدابا تابة

جاية تفرح بي شبابا

ويالله تفرح بي شبابا

------------------------------------------------------------------------------

عشم الأزاهر :
========

كلمات / خالد عباس شقوري
------------------------------------

إنتى ياعشم الازاهر في غمامه تحن تجيها

يافرح طاف المدائن والبوادى واى جيها

يادموع امى البتبكى من لهيب شوقاً عليها

يادموع من غير سواحل المشاعر سابحه فيه
ا
طلتك فى ليلى كانت طلعت القمره المهيبة

اصلى ماشفت المحنه إلآ يوم شفتك قريبة

الدموع الكان بتنزل منى فى الارض الخصيبة

عوضت تعبى التعبتو انبتت اجمل حبيبة

من سنين وانا روحى غرقت فى بحار شوقا وهياما

وإنتى ريدك ياحنينى وليها كان طوق السلامة

القليب الهام وراكى رافى بين جنحين حمامة

حنو جنب حنك عليا قطرة فى خاطر الغمامة

شعرى والشوق الكتبتو كلو من انفاس حروفك

وروحى فى روح الغناوى الساريا آخر الليل تطوفك

ما نسيت يومى الموادع فى الصباح خجلت وقوفك

لو مخير بين حياتى وللا شوفك... دآير أشوفك

------------------------------------------------------------------

انساك كيف :
========

كلمات / مدني النخلي
-------------------------------
الحان / مصطفى سيد احمد
----------------------------------

انساكي كيف اقدر انا

والكون بكون دائماً وراك

لحظاتو قاسية ومحزنة

كل الوجود غيرك يباس

كل الاماسي اسئ وضنى

وريني غيرك شن اكون

بعدك بكون مجهول انا

مني ضاع املي الفضل

ساعة بكوني احي انا

ساعة رحيل الغيم معاك

سايب رُبانا وحينا

يا حب كتب مسداري فيك

مزجتو بلحن الغنا

انساك وانت حلم جميل

حلم الفراش بالسوسنة

حلم الغريب راجي الرجوع

يسالم امو ويحضنا

انساك كيف وانت العشم

راجينو كان من كم سنة

الدايرو بس لو تطرى زول

عابر مسافات الضنا

وتكوني عندي المستحيل

والمستحيل انساك انا

-------------------------------------------------------------------------------------

شمس الأماني :
==========

كلمات / النخلي
--------------------
الحان/ مصطفى سيد احمد
----------------------------------

زي شعاع شمس الأماني ..

جا الحنين عاودني تاني ..

كنت راجيك لو تطلي ..

وكستا ليك كل المواني ...

داير أصارحك بالبحسو ...

وبالأسى وزمن الكآبة ..

القصايد سألة عنك ...

في الحروف باين عتابه ..

جاني الحنين عاودني ...

تاني ليك للغنى والكتابة ..

زي شعاع شمس الأماني ..

جا الحنين عاودني تاني ..

لما سبتا هواك رحلتا ...

لي دروب بالحب بخيلة ..

للضياع سلمت عمري ...

وقلتا مـا بالـيـد حـيلة ..

جاء الحنين عاودني تاني

لمواسم ريد جميلة ....

وزي شعاع شمس الأماني ...

ساقني لي كل المواني ..

إنتي يا الراجع صباحك ..

بي بشاشتك وبي سماحك ..

بعد ما الأيام شقتني ..

وإنتي كم نزفت جراحك ..

جاء الحنين عاودني تاني ..

في الحلم فارد جناحك ..

وزي شعاع شمس الأماني ..

كنت ليك كل المواني ..

----------------------------------------------------------------------

$$$$$ مـ][ـهـ][ـيـ][ــ][ـد سـ][ـيـ][ــ][ـدآ $$$$$

**********************

*********************************************

المصدر : مكتبة الفنان خالد الصحافة .

» أجمل القصائد التي تغنى بها عقد الجلاد
» أحاديث مع الصحافة
» أجمل ما كتب شاعر الجندول - علي محمود طه